ناخن کاٹنے اور دفن کرنے سے متعلق

ناخن  کاٹنے اور دفن کرنے سے متعلق

==================

سوال : کیا ہم دانت سے ناخن کاٹ سکتے ہیں جیساکہ آج کل لوگوں میں عام ہے اور دوسرا سوال یہ ہے کہ ناخن کاٹ کر اسے کیا کیا جائے ، دفن کیا جائے یا پھیک دیا جائے ؟
جواب :

(1)اسلام میں کہیں دانتوں سے ناخن کاٹنے کی ممانعت وارد نہیں ہے، لیکن چونکہ اسلام حفظان صحت پہ دھیان دلاتا ہے ۔ اس لئے اگر دانٹ سے ناخن کاٹنے میں کوئی طبی نقصان کا پہلو نکلتا ہو تو اس سے پرہیز کیا جائے اور اگر اس میں نقصان نہیں تو بھی دانت سے ناخن کاٹنا صحیح نہیں لگتا کیونکہ ناخن میں گندگی ہوتی ہے اور گندی چیز کو منہ سے پکڑنا اور دانتوں سے کاٹنا صحیح نہیں ہے ۔
فقہ حنفی میں لکھا ہوا ہے :
دانت سے ناخن کاٹنا مکرو ھےاور اس سےکوڑھ کا مرض ھوجانے کا اندیشہ ھے(عالمگیری جلد5 ، صفہ358)
میرے خیال سے دانت سے ناخن نہیں کاٹا جائے چاہے طبی پہلو سے نقصان ہو یا نہ ہو۔ البتہ عالم گیری میں مذکور کوڑھ کا مرض ہونے کا اندیشہ ہونے والی بات درست نظر نہیں آتی ۔

(2) رہی بات ناخن کو مٹی میں دفن کرنے کی تو اس میں کوئی حرج نہیں ، چاہے مٹی میں دفن کیا جائے ، یا کوڑاکرکٹ کی جگہ پھیک دیا جائے ۔

واللہ اعلم

مقبول احمد سلفی