جاء الحق کی روشنی میں عید میلاد النبیﷺ کا رد

جاء الحق کی روشنی میں عید میلاد النبیﷺ کا رد

========================

عید میلاد النبی ﷺ کا جشن کتاب و سنت کی روشنی میں بدعت ہے ، اس کے بے شمار دلائل ہیں مگر میں جاء الحق کی روشنی میں اسے بدعت ثابت کرتا ہوں ۔

پہلے یہ جان لیں کہ جاء الحق بریلویوں کی معتبر کتاب ہے ، اس کے مصنف احمد یارخاں نعیمی ہیں۔

پہلی دلیل : جناب احمد یار خاں نعیمی بریلوی صاحب نقل کرتے ہیں ۔

"لَمْ یَفْعَلْہُ أَحَدٌ مِّنَ الْقُرُونِ الثَّلَاثَۃِ، إِنَّمَا حَدَثَ بَعْدُ" .

میلاد شریف تینوں زمانوں میں کسی نے نہ کیا ، بعد میں ایجاد ہوا ۔''

(جاء الحق : ١/٢٣٦)

گویا عید میلاد النبی نہ تو نبی ﷺ کے زمانے میں تھا ، نہ ہی صحابہ کرام کے زمانے میں تھا اور نہ ہی تابعین و تبع تابعین کے زمانوں میں تھی ۔

دوسری دلیل : بدعت کی تعریف کرتے ہوئے جناب احمد یار خان نعیمی اپنی مشہور کتاب"جاء الحق "کے صفحہ ٢٠٤میں لکھتے ہیں:

"وہ اعتقاد یا وہ اعمال جو کہ حضور علیہ الصلاة والسلام کے زمانہ حیات ظاہری میں نہ ہوں بعد میں ایجاد ہوئے۔ "

اس کا خلاصہ یہ نکلا کہ وہ اعتقاد یا عمل جو نبی ﷺ کے زمانے میں نہ ہو وہ بدعت کے زمرے میں آتا ہے ، اور اوپر احمدیارخان نعیمی کا قول ذکر کیا ہوں جہاں انہوں نے یہ تسلیم کیا ہے کہ میلاد شریف بعد کی پیداوار ہے ۔ گویا اپنے ہی قلم سے اپنی کتاب میں یہ اقرار کرتے ہیں کہ عیدمیلادالنبی ﷺ بدعت ہے ۔