طلاق شدہ بیوی سے دوبارہ نکاح کرنا

طلاق شدہ بیوی سے دوبارہ نکاح کرنا

اگر کسی نے اپنی بیوی کو ایک طلاق دیا ہو تو عدت کے اندر لوٹالے پھر اسی کی بیوی رہے گی لیکن اگر عدت گذر جائے اور رجوع نہ کرسکے تو بیوی جدا ہوجائے گی ، اب اس کی بیوی نہیں رہی ۔

اگر وہ آدمی پھر اسی عورت سے شادی کرنا چاہتا ہے تو نئے نکاح کے ذریعہ پھر اسی عورت سے شادی کرسکتا ہے ۔

یہاں یہ بات واضح رہے کہ اگر کسی نے اپنی بیوی کو ایک مجلس میں تین طلاق دیدی تو یہ ایک ہی طلاق مانی جائے گی ، اور عدت کے اندر اندر خاوند اپنی اس مطلقہ بیوی سے بلانکاح رجوع کر بھی سکتا ہے چنانچہ اللہ تعالیٰ کا فرمان ہے :

﴿وَبُعُولَتُهُنَّ أَحَقُّ بِرَدِّهِنَّ فِي ذَٰلِكَ إِنۡ أَرَادُوٓاْ إِصۡلَٰحٗاۚ﴾--بقرة228

ترجمہ : ’’اور خاوند ان کے بہت حقدار ہیں ساتھ پھیر لینے ان کے کے بیچ اس کے اگر چاہیں صلح کرنا‘‘

اور اگر عدت گذر جائے تو خاوند اپنی اس مطلقہ بیوی سے نیا نکاح کر سکتا ہے بشرطیکہ میاں بیوی دونوں راضی ہوں اللہ تعالیٰ کا فرمان ہے :

﴿وَإِذَا طَلَّقۡتُمُ ٱلنِّسَآءَ فَبَلَغۡنَ أَجَلَهُنَّ فَلَا تَعۡضُلُوهُنَّ أَن يَنكِحۡنَ أَزۡوَٰجَهُنَّ إِذَا تَرَٰضَوۡاْ﴾--بقرة232

ترجمہ : ’’اور جب طلاق دو تم عورتوں کو پس پہنچیں عدت کو پس مت منع کرو ان کو یہ کہ نکاح کریں خاوندوں اپنے سے جب راضی ہوں‘‘

احادیث کے اندر بھی اس موضوع سے متعلق کافی نصوص ہیں ، میں قرآن کی آیات پر بھی اکتفا کرتا ہوں ۔