قرآن میں محمد ﷺاور دیگر انبیاء کا ذکر

قرآن میں محمد ﷺاور دیگر انبیاء کا ذکر

ایک سوال  ہےکہ قرآن میں نبی صلی اللہ علیه وسلم کا ذکر کتنی بار آیا ہےاور مکمل کتنے انبیاء کا ذکر ہوا قرآن پاک میں جواب دے کر شکریہ کا موقعہ دیں جزاک اللہ خیرا۔

جواب : قرآن میں  نبی کریم صلی اللہ علیہ کا ذکر محمد کے نام سے چار بار اور احمد کے نام سے ایک بار آیا ہے۔وہ آیات مندرجہ ذیل ہیں۔

1- وَمَا مُحَمَّدٌ إِلَّا رَسُولٌ قَدْ خَلَتْ مِنْ قَبْلِهِ الرُّسُلُ(آل عمران:144).

2- مَا كَانَ مُحَمَّدٌ أَبَا أَحَدٍ مِنْ رِجَالِكُمْ(الأحزاب:40)

3- وَالَّذِينَ آمَنُوا وَعَمِلُوا الصَّالِحَاتِ وَآمَنُوا بِمَا نُزِّلَ عَلَى مُحَمَّدٍ(محمد:2).

4- مُحَمَّدٌ رَسُولُ اللَّهِ وَالَّذِينَ مَعَهُ أَشِدَّاءُ عَلَى الْكُفَّارِ رُحَمَاءُ بَيْنَهُمْ(الفتح:29).

5- وَمُبَشِّراً بِرَسُولٍ يَأْتِي مِنْ بَعْدِي اسْمُهُ أَحْمَدُ(الصف:6).

 اور پچیس انبیاء کرام علیہم السلام کے نام کاذکر قرآن پاک میں ملتا ہے۔ ان کے اسمائے گرامی یہ ہیں ۔

1_آدم

2_نوح

3_ادریس

4_ابراہیم

5_اسماعیل

6_اسحق

7_یعقوب

8_یوسف

9_لوط

10_ھود

11_صالح

12_شعیب

13_موسیٰ

14_ہارون

15_داؤد

16_سلیمان

17_ایوب

18_الیسع

19_ذوالکفل

20یونس

21_الیاس

22_زکریا

23_یحییٰ

24_عیسیٰ

25_حضرت محمدﷺ

ان میں سے اٹھارہ انبیاء کا ذکر تو سورہ انعام ہی میں ملتا ہے وہ ہیں : إسحاق، وهارون، ويوسف، وإبراهيم، وأيوب، ويعقوب، وزكريا، ويحيى، ونوح، وداوود، وموسى، وسليمان، وعيسى، وإلياس، واليسع، وإسماعيل، ولوط، ويونس عليهم الصلاة والسلام۔ اور بقیہ سات انبیاء ( آدم، ادریس ، ھود، صالح، شعیب ، ذوالکفل اور محمد ﷺ ) آل عمران، شعراء ،بقرۃ ،ھود اور انبیاء وغیرہ میں ملتا ہے ۔

انتباہ : ذوالکفل کے متعلق اختلاف پایا جاتا ہے کہ وہ نبی ہیں کہ نہیں ؟ بعض نے نبی اور بعض نے غیرنبی کہا ہے مگر راحج نبی ہونا معلوم ہوتا ہے جیساکہ حافظ ابن کثیر رحمہ اللہ کا اس کی طرف میلان نظر آتاہے ۔

کتبہ

مقبول احمد سلفی