بڑے بھائی کا حق حدیث کی تحقیق

بڑے بھائی کا حق حدیث کی تحقیق

==================

مقبول احمد سلفی

ایک روایت آتی ہے جو سعید بن العاص رضی اللہ عنہ سے روایت ہے کہ رسول الله ﷺنے فرمایا :بڑے بھائی کا حق چھوٹے بھائی پر ایسا ہے جیسا کہ باپ کا حق بیٹے پر۔

اس معنی کی دو روایتیں ہیں ۔

پہلی روایت : حق كبير الإخوة على صغيرهم كحقّ الوالد على ولده " (المراسیل لابی داؤد، بیہقی، مشکوۃ ، جامع صغیر)

دوسری روایت : الأكبر من الإخوة بمنزلة الأب ( بیہقی ، مجمع الزوائد، طبرانی).

پہلی روایت کا حکم :

اس روایت میں محمد بن صائب نام کے راوی ضعیف ہیں۔

٭ اسے امام ابوداؤد نے مراسیل میں ذکر کیا ہے اور مرسل روایت ضعیف ہوتی ہے ۔

٭ عراقی نے کہا اس کی سند ضعیف ہے ۔

٭ ذہبی نے الضعفاء میں اسے ضعیف کہا۔

٭ علامہ البانی نے بھی ضعیف کہا۔ (دیکھیں: ضعيف الجامع:2736، السلسلة الضعيفة:1878،تخريج مشكاة المصابيح:4874)

دوسری روایت کا حکم :

٭ ہیثمی نے کہا اس کی سند میں واقدی نام کا راوی ضعیف ہے ۔(مجمع الزوائد 8/152)

٭ ابن عدی نے الکامل فی الضعفاء میں اسے غیرمحفوظ قرار دیا ہے ۔ (7/482)

٭ البانی صاحب نے اسے موضوع قرار دیا ہے ۔ دیکھیں (السلسلة الضعيفة:3370، ضعيف الجامع:2288)