فیملی پلاننگ اور مانع حمل مثلا کنڈوم وغیرہ کا استعمال

فیملی پلاننگ اور مانع حمل مثلا کنڈوم وغیرہ کا استعمال

فیملی پلاننگ کا نظریہ اسلامی نقطہٴ نظر سے صحیح نہیں، اور ایسی مانع حمل تدابیر اختیار کرنا جس سے ہمیشہ کے لیے قوتِ تولید ختم ہوجائے، یہ بھی جائز نہیں ہے۔ ہاں شرعی اعذار کی بنا پر مثلاً ولادت کی وجہ سے زچہ یا بچہ کی جان کا خطرہ ہو وغیرہ، تو ایسی صورت میں عارضی منع حمل اسباب اختیار کرنے کی اجازت ہے۔ دو بچوں کے درمیان کچھ وقفہ رکھنا اگر اس لیے ہے کہ مثلاً عورت کمزورہے اور صحت متحمل نہیں کہ بلاتوقف ولادت ہوسکے تومناسب وقفہ کی گنجائش ہے اور اس کے لیے کنڈوم یا عارضی منع حمل دوائیں وغیرہ استعمال کی جاسکتی ہیں، لیکن اس جذبے سے توقف کرنا اور حمل سے گریز کرنا کہ بچے زیادہ پیدا ہوگئے تو ان کی معاشی کفالت کا نظم کہاں سے ہوپائے گا، درست نہیں لقولہ تعالیٰ: لاَ تَقْتُلُوْآ اَوْلَادَکُمْ خَشْیَةَ اِمْلاَقٍ. الآیة

واللہ تعالیٰ اعلم

دارالافتاء، دارالعلوم دیوبند