بیماری کی وجہ سے اگر ماہانہ روزہ چھوٹ جائے

بیماری کی وجہ سے اگر ماہانہ روزہ چھوٹ جائے

Agar koi Shaksh har mahine ek roza rakhta ho aur wo Shaksh kisi bimari ki wajah is mahine 15 shaban se pahle roza nahi rakh paya ho to keya wo 15 Shaban ke bad roza rakh sakta hai ???

اگر کسی کو مہینے کے اعتبار سے روزہ رکھنا ہو تو ایک روزہ نہیں بلکہ تین روزہ رکھنا چاہئے جسے ایام بیض کہتے ہیں ۔ اور وہ 13،14،اور 15 کا روزہ ہے ۔

عن أبي هريرة رضي الله عنه قال : أوصاني خليلي بثلاث لا أدعهن حتى أموت : صوم ثلاثة أيام من كل شهر ، وصلاة الضحى ، ونوم على وتر . (رواه البخاري:1124ومسلم:721) .

ترجمہ ابو ہريرہ رضى اللہ تعالى عنہ بيان كرتے ہيں كہ رسول كريم صلى اللہ عليہ وسلم نے مجھے تين چيزوں كى وصيت فرمائى، كہ موت تک ان پر عمل كرتا رہوں، ہر ماہ تين روزے ركھنا، چاشت كى نماز ادا كرنا اور وتر ادا كركے سونا۔

اگر ایام بیض کا روزہ رکھنے والا آدمی کسی مہینے کی تیسرہ چودہ اور پندرہ تاریخ کا روزہ نہ رکھ سکے تو مہینے کے آخر میں رکھ لے ۔

ہاں اگر ایک روزہ رکھنا ہو تو ہفتے والا روزہ رکھا جاسکتا ہے جو کہ سوموار اور جمعرات کا ہے ۔ چاہے تو ان میں سے ایک بھی رکھ سکتا ہے اور چاہے تو ہفتہ واری ان دونوں روزہ کا اہتمام کرے ۔

واللہ اعلم

مقبول احمد سلفی