جس کا عقیقہ نہ ہوا ہو اس کی قربانی

جس کا عقیقہ نہ ہوا ہو اس کی قربانی

بچپن میں جس کا عقیقہ نہ ہوا اس کی قربانی دینے میں کوئی ممانعت نہیں ، قربانی الگ چیز ہے اور عقیقہ الگ چیز ہے ۔ جس وقت پیدا ہوا عقیقہ نہیں کیا اور جب جوان ہوا تو قربانی کی ۔ اس میں کوئی حرج نہیں ہے ۔

یہاں ایک مسئلہ یہ ہے کہ کیا بڑی عمر میں عقیقہ دے سکتے ہیں ؟

یا یہ کہ کیا قربانی پہ عقیقہ دیا جاسکتا ہے ؟

تو ان دونوں کا جواب اثبات میں ہے ، یعنی بڑی عمر میں عقیقہ دے سکتے ہیں اور اسی طرح قربانی کے موقع سے بھی عقیقہ دیا جاسکتا ہے ۔ مگر جان بوجھ کر عقیقہ کو عیدالاضحی تک مؤخر کرنا صحیح نہیں ہے ۔

جہاں تک شادی شدہ لڑکی کے عقیقہ کا مسئلہ ہے تو بیوی کا ذمہ دار شوہر ہے وہ بھی دے سکتا ہے یا پھر والدین دے سکتے ہیں ۔

واللہ اعلم

مقبول احمد سلفی