نبی ﷺ دو موت کا اکٹھا
کیا جانا
ایک حدیث میں ہے نبی ﷺ
پر دو موت کو اکٹھا نہیں کیا جائے ، وہ حدیث متعدد کتب احادیث میں مذکور ہے ۔
بخاری شریف کی روایت پیش ہے۔
حَدَّثَنَا بِشْرُ بْنُ
مُحَمَّدٍ أَخْبَرَنَا عَبْدُ اللَّهِ قَالَ أَخْبَرَنِي مَعْمَرٌ وَيُونُسُ عَنْ
الزُّهْرِيِّ قَالَ أَخْبَرَنِي أَبُو سَلَمَةَ أَنَّ عَائِشَةَ رَضِيَ اللَّهُ
عَنْهَا زَوْجَ النَّبِيِّ صَلَّى اللَّهُ عَلَيْهِ وَسَلَّمَ أَخْبَرَتْهُ قَالَتْ
أَقْبَلَ أَبُو بَكْرٍ رَضِيَ اللَّهُ عَنْهُ عَلَى فَرَسِهِ مِنْ مَسْكَنِهِ
بِالسُّنْحِ حَتَّى نَزَلَ فَدَخَلَ
الْمَسْجِدَ فَلَمْ يُكَلِّمْ النَّاسَ حَتَّى دَخَلَ عَلَى عَائِشَةَ رَضِيَ
اللَّهُ عَنْهَا فَتَيَمَّمَ النَّبِيَّ صَلَّى اللَّهُ عَلَيْهِ وَسَلَّمَ وَهُوَ
مُسَجًّى بِبُرْدِ حِبَرَةٍ فَكَشَفَ عَنْ وَجْهِهِ ثُمَّ أَكَبَّ عَلَيْهِ
فَقَبَّلَهُ ثُمَّ بَكَى فَقَالَ بِأَبِي أَنْتَ يَا نَبِيَّ اللَّهِ لَا يَجْمَعُ
اللَّهُ عَلَيْكَ مَوْتَتَيْنِ أَمَّا الْمَوْتَةُ الَّتِي كُتِبَتْ عَلَيْكَ
فَقَدْ مُتَّهَا(صحیح البخاری : 1241)
ترجمہ: ہم سے بشر بن
محمد نے بیان کیا، انہیں عبد اللہ بن مبارک نے خبر دی، کہا کہ مجھے معمر بن راشد
اور یونس نے خبر دی، انہیںزہری نے، کہا کہ مجھے ابو سلمہ نے خبر دی کہ نبی کریم
صلی اللہ علیہ وسلم کی زوجہ مطہرہ عائشہ رضی اللہ عنہا نے انہیں خبر دی کہ (جب نبی
کریم صلی اللہ علیہ وسلم کی وفات ہو گئی) ابوبکر رضی اللہ عنہ اپنے گھر سے جو سنح
میں تھا گھوڑے پر سوار ہو کر آئے اور اترتے ہی مسجد میں تشریف لے گئے۔ پھر آپ کسی
سے گفتگو کئے بغیر عائشہ رضی اللہ عنہا کے حجرہ میں آئے (جہاں نبی کریم صلی اللہ
علیہ وسلم کی نعش مبارک رکھی ہوئی تھی) اور نبی کریم صلی اللہ علیہ وسلم کی طرف
گئے۔ نبی کریم صلی اللہ علیہ وسلم کو برد حبرہ (یمن کی بنی ہوئی دھاری دار چادر)
سے ڈھانک دیا گیا تھا۔ پھر آپ نے نبی کریم صلی اللہ علیہ وسلم کا چہرہ مبارک کھولا
اور جھک کر اس کا بوسہ الیا اور رونے لگے۔ آپ نے کہا میرے ماں باپ آپ پر قربان ہوں
اے اللہ کے نبی! اللہ تعالیٰ دو موتیں آپ پر کبھی جمع نہیں کرے گا سوائے ایک موت
کے جو آپ کے مقدر میں تھی سو آپ وفات پا چکے۔
اس حدیث میں ابوبکر رضی
اللہ عنہ کا قول " لَا يَجْمَعُ اللَّهُ عَلَيْكَ مَوْتَتَيْنِ" کہ اللہ
آپ پر دو موت کوجمع نہیں کیا کرے گا ، اس کے دو معانی بیان کئے گئے ہیں ۔
پہلا معنی یہ ہے کہ
اللہ تعالی نبی ﷺ کی موت کے ساتھ شریعت کی موت کو اکٹھا نہیں کرے گا یعنی صرف آپ ﷺ
کی موت ہوئی اور آپ کی شریعت زندہ ہے ۔
دوسرا معنی یہ ہے کہ آپ
پورے طور پر وفات پاگئے ایسا نہیں ہے کہ ابھی آپ پر موت کے حالات طاری ہیں ، پھر
زندہ کئے جائیں گے یا زندہ ہوں گے دوبارہ موت آئے گی ، نہیں، آپ وفات پاگئے ، دینا
میں دوبارہ زندہ کرکے پھر سے آپ کو موت نہیں آئے گی ۔
مقبول احمد سلفی
0 comments:
اگر ممکن ہے تو اپنا تبصرہ تحریر کریں
اہم اطلاع :- غیر متعلق,غیر اخلاقی اور ذاتیات پر مبنی تبصرہ سے پرہیز کیجئے, مصنف ایسا تبصرہ حذف کرنے کا حق رکھتا ہے نیز مصنف کا مبصر کی رائے سے متفق ہونا ضروری نہیں۔اگر آپ کوئی تبصرہ کرنا چاہتے ہیں تو مثبت انداز میں تبصرہ کر سکتے ہیں۔
اگر آپ کے کمپوٹر میں اردو کی بورڈ انسٹال نہیں ہے تو اردو میں تبصرہ کرنے کے لیے ذیل کے اردو ایڈیٹر میں تبصرہ لکھ کر اسے تبصروں کے خانے میں کاپی پیسٹ کرکے شائع کردیں۔