سونا بیچ کر قرض دینا

سونا بیچ کر قرض دینا

السلام علیکم ورحمۃ اللہ وبرکاتہ

اہل علم لوگوں سے ایک سوال صرف اپنی رہنمائی کے لئے ...

اگر کوئی ضرورت مند آدمی میرے پاس پیسے لینے آجائے جبکہ میرے پاس نقد پیسے نا ہو تو میں اپنے گھر میں پڑا ہوا ایک ٹولہ سونا 50000 ہزار کا بیچ کے ان کو پیسے دیتا ہوں .وہ آدمی ایک سال بعد مجھے پچاس ہزار واپس کرتا ہے .میں ان پیسوں سے واپس سونا خریدنے جاتا ہوں تو سونے کی قیمت ستر ہزار پہ پہنچ چکی ہوتی ہے .اب اگر میں ستر ہزار میں سونا لیتا ہوں تو میرا بیس ہزار کا نقصان پکا ہے .اور اگر میں قرض والے بندے سے ستر ہزار لیتا ہوں تو اس میں بیس ہزار سود ہوگا .اب مجھے کیا کرنا ہوگا ؟؟؟

سائل : محمد عادل ،پاکستان

وعلیکم السلام ورحمۃ اللہ وبرکاتہ

الحمد للہ :

دینے والے نے قرض میں پیسہ دیا تھا اور قرض خواہ نے قرض میں پیسہ لوٹا دیا اس وجہ سے اس سے مزید پیسے کا مطالبہ کرنا جائز نہیں ہے، قرض دینے والے کے پاس نقد رقم نہیں تھی تو معذرت کرلیتا، سونا بیچ کر قرض دینے کی ضرورت نہیں تھی اگر کوئی اس طرح کسی بیکس کا سہارا بناہے تو اجروثواب اللہ کے پاس ہے اور اگر قرض خواہ بطور احساس مدد کرنے والے کو کچھ دیدے تو بھلائی ہے۔

واللہ اعلم

کتبہ

مقبول احمد سلفی